Description

Ang kinabuhi usa ka Sugilanon ug kuyog niini ang pamalandong. Mao nga Sugilanon Dala'ng Pamalandong. Ning maong gamay basahon, atong pamalandongan ang mga nagkadaiyang mga sugilanon nga gipaningkamotan sa tagsulat nga itagik sa panghinaut nga kini makatabang sa kinabag-an sa pagpamalandong usab sa ilang kaugalingong mga sugilanon. Ug maoy pagpamasin sa tagsulat nga pinaagi ning yano apan kinasingkasing nga pagbudlay ang si bisan kinsa nga mobasa niini mamahimomg magiyahan sa ilang inadlaw nga panaw sa kinabuhi ingon nga tawo, ingon nga sakop sa usa ka banay, o tawo nga nangita og katagbawan ug kahulogan sa kinabuhi nga tingali ang wala pa mahaluna sa hustong dapit ug padulngan. Apan mao ni ang atong timan-an nga ang kinabuhi dili sulagma... ang kinabuhi linugdangan sa usa ka mahinungdanong pagpili.